„Vímuefni eru það sem ég hef notað til að friða mig.. þegar ekkert annað gerir það.“ Tengsl áfalla og vímuefnaröskunar

Markmið rannsóknarinnar var að að varpa ljósi á, lýsa og skilja upplifun og reynslu einstaklinga sem hafa átt við vímuefnaröskun að stríða. Að auki var markmiðið að skoða áföll og ákveðna þætti í æsku sem kunna að hafa neikvæð áhrif á lífsgæði þeirra sem og hvort þessir einstaklingar eiga áfallasögu að baki sem gæti haft þær afleiðingar í för meðsér að þau þróuðu með sér vímuefnaröskun. Rannsóknir hafa sýnt fram á að meirihluti einstaklinga með vímuefnaröskun hafi orðið fyrir áföllum sem hafa haft áhrif á líf þeirra. Rannsóknin Adverse Childhood Experiences (ACEs) er ein stæsta lýðheilsurannsókn sem gerð hefur verið. Niðurstöður þeirrar rannsóknar sýndi fram á að áföll og skaðleg reynsla í æsku þar sem börn eru varnarlaus, getur truflað eðlilegan félagslegan, tilfinningalegan og vitmunalegan þroska. Í þessari rannsókn var notast við eigindlega rannsóknaraðferð og voru þáttakendur valdir með tilgangsúrtaki. Tekin voru hálfstöðluð viðtöl við átta einstaklinga sem áttu það öll sameiginlegt að hafa upplifað áföll og átt við vímuefnaröskun að stríða. Þáttakendurnir skiptust í fjórar konur og fjóra karla á aldrinum 26 til 57 ára. Helstu niðurstöður rannsóknarinnar voru að einstaklingar með vímuefnaröskun ólust upp við erfiða æsku sem var í formi tilfinningalegrar vanrækslu og einnig ofbeldis, þó í mismiklu mæli, sem átti sér helst stað á heimili þeirra en einnig utan þess. Barnæskan einkenndist að miklu leiti af almennum kvíða og ófyrirsjáanleika vegna ástands á heimili þeirra. Mikilvægi rannsóknarinnar felst í að vekja athygli á að langvarandi streita í æsku getur haft áhrif á heilaþroska barna, eðlilegan þroska dópamín- og ópíóíð brauta heilans, tilfinningaheilann, taugakerfið og hvatastjórnunarsvæðið í framheilanum. Slík áhrif á heilaþroska getur leitt til þess að færni til að takast á við tilfinningar verður skert og það getur aukið líkur á að þeir sem búa við slíkar aðstæður í uppeldi tileinki sér áhættusama félagslega hegðun eins og misnotkun vímuefna